羅富記粥麵專家

营业中

休息中

食过生记﹐系时候写返罗富记既粥评。某个星期日﹐一起身肚仔饿﹐又想食粥。于是同男朋友仔o系中环会合﹐目标系罗富记。脑入面o既罗富记就只有最近电车路o个间﹐所以行过o左之后发现无开门o个一刻十分之失望!!好在男朋友仔知道o既罗富记系另外一间﹐所以就行o左上去。去到发现铺仔细细﹐不过就坐满晒人!!!好在个姐姐俾我o地坐卡位。嘻嘻。叫o左一碗皮蛋粥(因为太想食皮蛋﹐所以放弃白粥)同鲮鱼球粥。原本想叫男朋友仔叫个炸鲮鱼球试o下﹐不过男朋友仔怕热情﹐所以留返下次。一路以o黎听过好多人劲赞罗富记好味。不过唔知点解﹐我只系觉得我碗皮蛋粥一般。系就系好味同好绵﹐不过只系好味o甘简单﹐总系觉得差o左o的o野o甘...加上个人有少少洁癖﹐所以食住都觉得有o的唔舒服。讲到尾都系一间老字号﹐都值得去试o下o既﹐不过就唔乜惊喜o罗。