亞參雞飯 (青衣城1)

营业中

休息中

海南鸡系常见嘅平民美食，随处都可以见到。今日鸡饭瘾起来到青衣城亚参鸡饭，希望食到好食嘅海南鸡。未到门口侍应姐姐已经殷勤招呼，介绍各式食品，态度可嘉。餐厅以南洋风装潢，多用竹籐木，天花有大吊扇。当然要讲海南鸡先啦，海南鸡份量充足，鸡肉唔会太油有肉质而嫩滑，肉香就算沾上酱汁又唔被盖过。油饭粒粒分明唔会好油，油香之余又有少许香料味，睇返餐牌原来有斑兰叶香茅煨煮，值得推荐。一个饭当然唔够两个人食啦，于是我地叫咗个肉骨茶伴饭。🥘肉骨茶系新加坡式，以胡椒味为主，闻落好重胡椒味以为会辣死，点知食落平易近人，老人小朋友都可以一试。茶汤有2条肉骨同几件豆卜，肉骨软淋，十分容易就食到肉。豆卜吸满汤汁唔错，但个人偏好以油炸鬼。小食先有斑兰咖央多士，多士十分松脆，多士搽上香甜咖央酱配上入口即溶嘅牛油，大力推荐!然后有香烤猪肉串，其貌不扬嘅猪肉串放入口中却非常好味，肉质结实又多汁，有食紧台湾肠嘅感觉。饮品有🍹柑桔特饮，一饮就知柑桔特饮真材实料，浓浓柑桔味，唔会太甜。香茅薄荷特饮好有香茅香但薄荷味唔太重。