第一郡 (已搬遷) 新店位置

好几次经过第一郡都见有食客排队等位，基于为食加好奇心嘅驱使己经想试好一阵子。其实香港都有唔少越南餐厅，不过整得好食又正宗就唔多。试过最离谱用3合1即冲咖啡就话系越南咖啡。自己体验加朋友分享都会不约而同话外国嘅越南菜馆好味啲。尤其系美、加、澳洲 同埋 法国。 反而香港就想揾间正宗又好味，就一啲都唔易。喊旗一轮终筹到两只饭脚一齐去食，有朋友吹吹水，排队时间特别快过。不过入到去周末先有嘅牛腩炸炖蔬菜已经买晒。So Sad, 收拾饮恨嘅心情后就 order 咗越式面包蟹膏蕃茄汤檬扎肉汤河牛油果沙冰越式滴漏咖啡好味嘅越南包精髓在于啲腌菜、香菜、酱汁同牛油，肉反而有小小变成配角。以十分满分基准，我会八分俾咗落啲香菜腌菜度。一分扣落啲酱汁牛油，一分扣落面包，香港就系食唔到既脆又靭嘅面包。蟹膏蕃茄汤檬，啖啖蟹膏嘅幸福感，仲要唔使自己拆蟹壳，整餐嘅高潮位一定系喺呢度。 除非你对蟹敏感或者胆固醇已超标，否则冇理由来到唔食呢个檬粉。扎肉汤河，其实汤、面、扎肉全部都好好味，不过因为先食蟹粉汤檬关系，啲美味既蟹膏仲齿颊留香紧嘅情况下，结果......都算精彩，碗汤都饮咗半碗。滴滴咖啡，苦涩味道好正宗吓，不过可能