大家樂

营业中

休息中

谂住近近地喺长沙湾附近食个大家乐，点知去到呢𠮶个收银员个态度极为之差，图中穿黄衫站在收银处的女人为该服务态度极差的收银员，佢已经唔系对我一个态度差，对住啲阿公阿婆都系咁差，所以我先要写一篇食评点名批评下佢！事缘我去到𠮶度谂住嗌一个粟米肉粒饭啦，但系佢就好唔耐烦同好急咁样系咁问我，要饮咩嘢，系咪喺度食？系咪喺度食？重复咗起码五六次，而当日我其实系有少少唔舒服，可能反应系会慢左少少，但都应该不至于要佢赶收工式咁不停问我同一句野咁多次挂🙂🙂而我因为俾佢吹到裤都甩嘅关系，我就答咗句饮绿茶，后尾先醒起我仲有少少咳，所以想转杯热柠茶，而佢就黑晒面！劲唔耐烦，服务态度极差！不过我唔系成日喺𠮶一头食野所以就算数啦，写篇食评发泄吓就算数，但系真系替𠮶边𠮶啲街坊辛苦，日日落街想食个大快乐快餐都要受气，对住呢一个疑似经理级嘅收银员，我见班员工都唔多开心！最后一张相就系个投诉热线，如果大家系成日食呢一间大家乐，而又遇到类似嘅事件记得投诉佢！