Outback Steakhouse (翡翠明珠廣場) (已結業)

记得第一次食outback个阵，系因为黑糖包而钟意左呢间餐厅。隔左年几，突然又想食扒，于是约埋朋友黎食。黎到只见门外已有一条小人龙，好彩我地book 左枱，否则应该有排等。黎得outback 一定要试佢既黑糖包，松软而带有甜味既黑糖包沾埋cream 一齐食真系冇得顶食完觉得唔够喉仲可以叫staff 黎多round tim，但因为我地叫得多野食，费事眼阔肚窄，所以最后都冇refill 到黑糖包。首先我地叫左蟹肉酿蘑菇$82，睇menu 个阵以为系大啡菇，但原来系普通蘑菇，见到个下有d 失望虽然蟹肉就唔系好食得出，不过食落都几juicy。之后叫左烧鸡肉芝士夹饼$118，都几足料，夹饼内有好多芝士同鸡肉，钟意芝士既朋友可以一试。最后叫左medium rare 既纽约牛扒，有两款配菜可以拣，我拣左焗薯仔同炒饭，但个人不建议拣炒饭，因为味道一般，冇乜味。而焗薯仔就不过不失。至于牛扒方面，虽然拣左medium rare，但肉质依然过硬，同埋牛扒亦缺少了应有既牛味因为水准欠佳，短期内都唔会系呢间餐厅食牛扒。