名店車仔麵

营业中

休息中

今晚好想食呢間嘅雞翼尖，但又擔心唔夠飽，所以加多碗生菜魚肉。之前試過佢碗仔翅魚肉，碗仔翅較杰，唔係我杯茶，但都好味嘅！所以今次想試下個生菜魚肉係幾好味嘅，魚肉都幾多，湯底用返佢車仔麵個湯，唔會淡而無味！下次可以再encore其實今晚主角係佢！雞翼尖！有人話佢似元朗某間店嘅雞翼尖，但我無食過不能評論及比較！因為我都幾鍾意食辣嘢，佢越食越辣架！亦無得少辣同走辣嘅！所以唔食得辣嘅朋友就真係唔好意思喇！佢只係一款小食，但又辣得過癮，久唔久都心癢癢想食返碗！嗜辣嘅你就嚟試下，包你話正！😋😋😋