影片
更多
2022-07-17
64 浏览
边个话萝卜糕一定要新年先有得食架？ 话说朋友早前系呢间小店试过佢地即叫即整嘅萝卜糕后对佢赞不绝口后，我留意到原来佢地系有原底萝卜糕卖架，所以我都买左一底返屋企煎黎食。小店以外卖为主，装修简洁，门口大大只字写住「古法濑粉」，里面有部自助贩卖机，钟意点咩就自己点啦。老祖·秘传瑶柱萝卜糕：一底秘传瑶柱萝卜糕有850g，有别于平时一般大集团买到嘅，呢度系用法式陶瓷盘装，食完底榚后可以洗返黎用，非常环保，值得一赞嘅系底榚仲有用真空包装，感觉非常干净卫生，除此之外，店主仲好用心咁俾埋冰袋我地拎走，咁夏日炎炎拎住搭车都唔洗惊会变坏啦。萝卜糕面头有好多瑶柱、虾干同腊味，我地切开后就拎去煎啦。一底萝卜糕大约可分成10件，其实切萝卜糕都好考功夫，要厚薄适中，我地用中细火每边煎左3分钟，煎到金黄色后就可以上碟，再配搭自己喜欢嘅酱料食，本人就喜欢原汁原味唔落任何酱料，而家人就喜欢落xo 酱。萝卜糕煎起后好香，食落外脆内软，口感非常滑，唔会太粉，夹起黎唔松散软烂，味道方面，除左有清甜嘅萝卜香味之外，仲食到瑶柱、虾干同腊味带出咸香嘅味道，非常足料。除咗原底萝卜糕之外，小店仲有古法濑粉、黯然销魂饭、炸黑毛猪肉糭、肠
小店以外卖为主，装修简洁，门口大大只字写住「古法濑粉」，里面有部自助贩卖机，钟意点咩就自己点啦。
老祖·秘传瑶柱萝卜糕：
一底秘传瑶柱萝卜糕有850g，有别于平时一般大集团买到嘅，呢度系用法式陶瓷盘装，食完底榚后可以洗返黎用，非常环保，值得一赞嘅系底榚仲有用真空包装，感觉非常干净卫生，除此之外，店主仲好用心咁俾埋冰袋我地拎走，咁夏日炎炎拎住搭车都唔洗惊会变坏啦。
萝卜糕面头有好多瑶柱、虾干同腊味，我地切开后就拎去煎啦。
一底萝卜糕大约可分成10件，其实切萝卜糕都好考功夫，要厚薄适中，我地用中细火每边煎左3分钟，煎到金黄色后就可以上碟，再配搭自己喜欢嘅酱料食，本人就喜欢原汁原味唔落任何酱料，而家人就喜欢落xo 酱。
萝卜糕煎起后好香，食落外脆内软，口感非常滑，唔会太粉，夹起黎唔松散软烂，味道方面，除左有清甜嘅萝卜香味之外，仲食到瑶柱、虾干同腊味带出咸香嘅味道，非常足料。除咗原底萝卜糕之外，小店仲有古法濑粉、黯然销魂饭、炸黑毛猪肉糭、肠粉、烧卖等等嘅小食，等我下次都试下先。
张贴
