坤記牛腩 (已結業)

呢间小店系九龙城已经立足咗多年，终于有机会去试下。本身我自己好钟意食牛腩，加上呢间小店系openrice的评分都唔错，所以对佢都寄予厚望。夜晚7点去到，得几个食客系入面。食物选择唔算太多，都系牛腩粉面同火锅为主。我哋试食咗上汤牛筋腩河同咖喱牛腩河。上汤一D都唔甜，得个咸字，好似饮紧味精汤咁，牛筋腩亦都唔系好爽滑弹牙。食完之后要饮成杯水过下口。牛腩睇上去都几靓仔，但唔系太爽滑。咖喱牛腩河稍为好少少，因为本身咖喱都咸，所以食落又唔觉得咸到难以入口ge，但咖喱味都唔系太好味，牛腩亦都系普普通通。埋单每人大约$50，价钱唔算平。