US813 (已結業)

阔扁面烟烟韧韧，好有咬口。忌廉芝士味的酱汁唔止闻落好香浓，而且食落都好浓郁，每一条面都沾上满满的酱汁，好满足呀🤤～初初食落觉得好惊喜，但食到后期会觉得太浓味同有啲咸😣。..其实呢个凉面好岩做前菜，因为佢食落食落酸酸MayMay，配埋蕃茄、青瓜、火腿丝一齐食，成个感觉好fresh，好开胃🤣。初初食落都觉得唔错，但问题系食到后期B先生同C小姐都觉得好酸😣，因为只净下黑醋的味道。如果凉面的黑醋份量可以略为减少，令黑醋唔会盖过其他配料味道的话，效果应该会更好。..本身对佢好大期望，毕竟呢间餐厅出名食炖饭和意大利粉。一开始见到个炖饭，我有啲惊讶，无念过会咁湿淋淋😣。首先，要赞一赞炖饭的质感，饭粒唔会整到好生，反而软硬适中，淋得黎又索满晒个酱汁既味道。但系，酱汁个part就出左事，第一啖食落口已经觉得好重味，而且可以讲得上系浓过头，所以令到成个炖饭变得非常重口味，我就觉得呢种口味唔太适合自己。