小曼谷海鮮燒烤屋

营业中

休息中

位于马路旁嘅小曼谷海鲜烧烤屋，门外嘅充气公仔其中一只手会随风摆动，做出好似招手咁嘅动作，都几显眼。入面装修比较新派，楼底够高，座位分布较近，但唔算挤迫。餐厅晌九龙城几有人气，我哋坐低无耐已经满座，呢晚就试试系咪名副其实。其中一角摆放咗音响设备，似乎系供live band用，惟当晚无表演观赏。泰式生虾刺身，用咗蒜片同辣椒提味，虾肉弹牙唔霉。猪肉碎生菜包，猪肉碎加咗干葱头同九层塔等，当中夹杂咗少少肥肉，味道唔浓，用生菜包住食都几清新。明炉蒸桂花鱼，桂花鱼上铺满肉碎、香茅、南姜、香葱、辣椒、蒜头、香芹、香叶等，并浸于鱼汤中同用明炉保温，食到尾声仲系热辣辣嘅。鱼肉嫩滑，鱼汤带柠檬酸香，我哋都觉得几好味。