牛八和牛燒肉屋 Express (The ONE) (已結業)

疫情之下大家都好耐冇去旅行。机场就更加少去啦！呢间餐厅嘅装修设计系用机场嘅概念，令人好似真系喺机场入边咁。入座嘅时候佢会每人派一张登机证，之后带你去你嘅座位。如果想点餐嘅时候，只需要扫一扫个QR code就可以用手机落单，好方便。食物会由旁边嘅跑道由飞机运输过嚟。呢一part小朋友就最开心啦😄其实好似回转寿司嘅概念，只不过佢将火车变成飞机✈️，好有新鲜感。我哋拣咗两小时嘅放题，肉类嘅质素上乘，都好多选择。小食、沙律、蔬菜、白饭、面豉汤、饮品同甜品都系自助形式，可以自己出去攞。我觉得牛八呢间餐厅好适合同小朋友一齐去食，坐得舒服，又有得玩又有得食😊