牛壹台食 (已結業)

喺呢啲天气，食一碗浓郁又热辣辣嘅台湾牛肉面，真系会令人好满足架！话说今日路经湾仔，喺准备返屋企之际，突然传嚟一阵五香牛肉嘅味道，所以我哋一于食埋晚餐再返屋企啦！嚟到湾仔嘅牛壹台食，餐厅设计风格够晒清新，主打台湾料理，除咗牛肉面，仲有好多台湾美食！金梅地瓜条地瓜条炸到金黄色，够晒脆卜卜，上面铺有金梅粉，份量算多，酸酸甜甜，非常开胃。台式卤牛伴面卤肉饭平时就食得多，今日就试吓卤牛伴面啦！卤水汁同样香浓，牛肉入晒味，最钟意啲牛肉够晒大大粒，食嘅时候好有口感！食之前当然要将酱汁同肉碎捞匀啦，咁每一条面条先会挂晒汁又入味。但就略嫌面条煮得太淋，令食嘅时候有啲糊身。川味香辣牛腱心牛肉刀削面重点当然系牛肉面啦！我特登拣咗Q弹爽口嘅刀削面，挂上川味香辣嘅牛肉汤，好惹味呀！汤底除咗浓香嘅牛肉味，仲有淡淡嘅川香麻辣味，好有层次架！至于牛肉软嫩入味，重点系大大旧，食嘅时候非常满足，份量够晒多，食晒面都仲有好多𩠌呀！红枣茶、蜂蜜绿茶餐厅当然有唔少台式饮品选择，但因为干燥天气，特登拣咗红枣茶同蜂蜜绿茶，好滋润呀。