泰中意 (已搬遷) 新店位置

与好姊妹食饭，揾左间大家都钟意嘅style嘅餐厅，就系呢间有种小清新泰菜馆，啲装修唔似啲旧式老字号泰国菜馆。野食选择同样比较新颖，都有啲fusion野夹杂下，价廉物美，系几好嘅餐厅。呢碟系烟三文鱼忌廉汁意粉，上面有个脆香蒜蓉包，材料有烟三文鱼外仲有车厘茄。食落啲汁好creamy,不加味精，好好食。叫碟就泰式海南鸡配香茅油饭（半只），啲鸡有好多！！！真系好鲜嫩，有三款酱可以点，款款都好食。香茅油饭好香好开胃。甜品系女人第二个胃，大家都抢住食个芒果紫糯米，crazy😂啲芒果鲜甜到咁唔抢真系唔得，紫糯米我不嬲好钟意，果种质地入口好好食。