廿一由八 (已結業)

朋友喺网上睇到有网媒介绍呢间新既Cafe，睇相已经好有文青味道，就约左星期六去试吓。嚟到既时间大约喺点零两点，一打开lift门就已经见到门口有佢哋既餐厅名并连同非常简约既设计，而入到去应该喺因为新开既关系，餐厅唔算有太多人，上到嚟都喺清一色女仔，大概都知道大家都喺俾佢清新简约既设计吸计而嚟。因为餐厅唔止喺餐厅，亦都喺一间专卖手工木制家居既舖头，所以有一半地方都喺放置左木制家品，而佢地俾客人坐既坐位都喺木制品嚟。入到嚟需要自己先揾位坐，再去Counter落单，我地两个人食各叫左一个「挪威烟三文鱼藜麦番薯饼」同「软壳蟹发达芝士扁意粉」嚟Share食，我自己亦都另外叫多杯Latte。食物嚟讲我觉得两个都不错，「软壳蟹发达芝士扁意粉」喺一只完整既软壳蟹放喺面，食落去都好软熟，而意粉都有淡淡既芝士味，但又唔会令个味道太腻。「挪威烟三文鱼藜麦番薯饼」- 藜麦饼呢样嘢好少食到，我都喺第一次试，口感好似食紧再软啲既薯饼咁，小小甜但又唔会太超过。两个菜都有配返沙津喺底，令成个菜式更加健康。而唯一有啲美中不足既喺个Latte可以更有进步空间，佢既奶味比较少，喺Latte嚟讲算喺比较苦，应该可以再放胆落多啲