樂天皇朝 (將軍澳中心)

营业中

休息中

星期五13:30 食午市，大半舖都系吉嘅。叫咗小笼包、口水鸡、酸辣汤拉面、蟹粉小食等六项。点菜时讲明汤面要剪面一下。最快到系口水鸡，一个碗仔份量，卖相唔错。然后系酸辣汤拉面到。咁传菜人员上菜时，我问了一句：「剪咗面呵？」对方回：「咁你都睇唔到？！」哗！原来唔问得嘅！其实，答一句「剪咗喇」或者「系呀」唔系更简单咩？仲咩要语带挑衅咁回应？好，有面食就开始食鸡。撩开见到少少粉红色，我明蒸鸡有时近骨的肉会啲啲粉红。但睇清楚…原来血水都响碟底，唔系红油。🫣😱又系头先𠮶位服务员，我话：「好唔熟㖞⋯⋯睇下」佢话：「系咁㗎」有另一位员工问咩事，我话：「好唔熟，有血水㖞」咁呢个服务员话：「不如同你取消啦，因为再整一份都可能系咁上下」好啦，取消啦，可惜啲，仲一心想食口水鸡。再点咕噜肉，但等了十五分钟先知漏单，咁算数喇，埋单走人！发现漏单嘅服务员不停道歉，其实唔系佢嘅错，佢冇接我order, 会一都好有礼貌咁道歉。埋单又多谢多谢。如果另一位服务员可以有呢位一半咁好态度，我回头再食嘅机会都高啲。蟹粉小食过得去，都系平常菜式小笼包同四季豆水准高啲。