仙跡岩 (至秀商業大廈)

营业中

休息中

今日嚟到佐敦一间小编细个成日会去食嘅餐厅。当然我以前就唔系嚟佐敦咁远，记得以前元朗有个商场叫新元朗中心入面都有一间仙迹岩，久唔久就会同屋企人去食个多士饮杯珍珠奶茶。𠮶时候嘅台式手摇饮品仲未好盛行，珍珠奶茶对我哋嚟讲系一个甜品级嘅存在。➡️猪颈肉卤肉饭$55 必须讲第一眼睇落去佢系几大碗，份量都充足，觉得系几抵食嘅。不过佢嘅外观就唔算好吸引，有啲似小编以前中学会食嘅学生餐…🤣卤肉嘅味道偏甜，冇乜卤水嘅香料味，而且佢嘅卤肉偏干瘦。猪颈肉调味都系差唔多，不过好奇怪嘅系猪颈肉非常之淋，冇乜爽口弹性嘅感觉，非常奇怪，最后都讲一讲饭底偏湿同烂，小编唔多喜欢。味道🐽🐽➡️大块鸡（半份）（+$19）佢都系用台式嘅炸法，食落都几脆口，不过中间嘅鸡肉就比较薄，而且佢嘅调味粉唔够均匀，有时有一大炸，有时有完全冇味。😟味道🐽🐽🐽➡️双拼吐司 $24望落去佢系比以前细份左（定个人大份咗？😅），而且有一个几严重嘅问题，就系我哋叫咗两份，第一份明显烘得唔够，可能系焗炉未预热好嘅关系，所以第一份唔似多士，只系一个厚方包，第二份烘嘅程度就明显好好多！☹️至于味道，我哋试咗花生、椰香、蜜糖同草莓酱。花生蜜糖同草莓味道都正正常常。