影片
更多
2022-10-29
34 浏览
呢排见到到处都开咗呢间平民价嘅川菜，今日咁啱嚟到附近，一于试吓佢！✨一口小云吞云吞有好多种口味可以拣，我哋拣咗韭菜鲜肉同埋鲜虾鲜肉。汤底仲有好多口味可以拣，我哋拣咗清鸡汤。云吞嘅皮好薄，入面有满满嘅肉馅，韭菜口味比较香口，而鲜虾亦食到有弹牙嘅虾肉。虽然云吞细细粒一啖一件，但系一碗有成20粒真系好顶肚同好满足！✨红烧肉葱油酥热捞面呢一个热捞面非常丰富，除咗有主菜红烧肉同热捞面之外，仲有生菜、菜甫、萝卜等等嘅配菜！葱油捞面食落去甜甜地，但系又闻到好香嘅葱味！红烧肉肥瘦相间，炆到啲五花肉好软哂，一啲都唔鞋口～✨孜然鸡翼鸡翼即叫即炸，洒上嘢味嘅孜然粉，非常吸引！鸡翼炸到出面好香脆，咬开肉汁同油脂即刻流晒出嚟。开头以为会好重口味，但系估唔到冇想像中咁咸，孜然粉只系增添左佢嘅香气，唔会令人觉得好Heavy。✨红糖糍粑每次见到都忍唔住叫，糍粑出面吹口，一面烟烟韧韧。上面洒上左黄豆粉同埋红糖，食落去唔会过分甜，但系又有红糖独有嘅香气。✨手拍青瓜估唔到个份量有咁大碗，青瓜切成一粒粒嘅形状，容易入口。特别之处系个酱汁除咗有平时食开嘅红油、酱油等调味之外，仲加咗啲麻酱同花生酱，食落去有担担面嘅汤底感觉！✨雪
呢排见到到处都开咗呢间平民价嘅川菜，今日咁啱嚟到附近，一于试吓佢！
✨一口小云吞
云吞有好多种口味可以拣，我哋拣咗韭菜鲜肉同埋鲜虾鲜肉。汤底仲有好多口味可以拣，我哋拣咗清鸡汤。云吞嘅皮好薄，入面有满满嘅肉馅，韭菜口味比较香口，而鲜虾亦食到有弹牙嘅虾肉。虽然云吞细细粒一啖一件，但系一碗有成20粒真系好顶肚同好满足！
✨红烧肉葱油酥热捞面
呢一个热捞面非常丰富，除咗有主菜红烧肉同热捞面之外，仲有生菜、菜甫、萝卜等等嘅配菜！葱油捞面食落去甜甜地，但系又闻到好香嘅葱味！红烧肉肥瘦相间，炆到啲五花肉好软哂，一啲都唔鞋口～
✨孜然鸡翼
鸡翼即叫即炸，洒上嘢味嘅孜然粉，非常吸引！鸡翼炸到出面好香脆，咬开肉汁同油脂即刻流晒出嚟。开头以为会好重口味，但系估唔到冇想像中咁咸，孜然粉只系增添左佢嘅香气，唔会令人觉得好Heavy。
✨红糖糍粑
每次见到都忍唔住叫，糍粑出面吹口，一面烟烟韧韧。上面洒上左黄豆粉同埋红糖，食落去唔会过分甜，但系又有红糖独有嘅香气。
✨手拍青瓜
估唔到个份量有咁大碗，青瓜切成一粒粒嘅形状，容易入口。特别之处系个酱汁除咗有平时食开嘅红油、酱油等调味之外，仲加咗啲麻酱同花生酱，食落去有担担面嘅汤底感觉！
✨雪梨茶
估唔到雪梨味咁浓郁，有少少好似直接饮紧雪梨汁嘅感觉。但又唔会太甜。一饮落去个茶底饮到淡淡的茉莉花香，好适合用嚟配呢啲比较重口味嘅食物。
张贴
