栢檔極品海南雞飯 (已結業)

栢档极品海南鸡饭今日行荃新天地，行完之后走入「栢档极品海南鸡饭餐厅」食lunch，我几钟意佢哋间餐厅个吊灯同其中一幅布满假草嘅墙，打卡的确一流！餐厅入面算阔落，枱与枱之间唔会好窄，轮椅人士好方便入去食！1.栢档极品海南鸡饭$64＋$8冻柚子蜜＋$18香麻辣凤爪（8/10）呢个海南鸡饭个饭系叫咗油饭，油饭份量好多，呢个油饭好香又唔油，海南鸡肉质又嫩滑，海南鸡都有10旧，呢个系大份size，所以鸡肉多d，鸡肉可以点葱油/酸辣汁/黑酱油，我觉得点酸辣汁好味d！冻柚子蜜饮品正常，似出面买嘅玻璃樽柚子蜜，都算「笔」得多柚子肉，唔会好甜，甘甘地，好饮！小食方面可以加$18就有香麻辣凤爪，份量算多，一份有6只香麻辣凤爪，好味过泰式凤爪，始终白色凤爪系要漂白，应该无咁健康，呢份香麻辣凤爪原价要$28，真系好抵食，又够麻辣，够爽脆，好味！2.极品海南鸡喇沙$64＋$8热咖啡＋$18香麻辣凤爪（8/10）呢个海南鸡喇沙入面有6旧海南鸡、4旧豆卜、半只蛋同大量芽菜，面系粗面，面挂到汁，汤底方面店员帮我整个大辣，因为我朋友要大辣，本身汤底系无得拣大中小辣，只有少少辣，所以要特别叫！咖啡就唔够浓，咖啡味唔够出，