元札幌拉麵 (宇晴軒商場) (已結業)

今日喺荔枝角，见到间拉面店嘅装修好日本风，所以就吸引左我入去。佢个Menu既拉面同小食嘅选择都好多。我哋叫咗两碗拉面同两款小食。我叫咗个樱花虾拉面，卖相好靓，好多樱花虾系啲面上面，汤底好浓。不过佢就得呢款面可以拣，如果可以有埋直面嘅选择就更好。朋友嘅杂锦拉面配料有叉烧、猪软骨，佢个汤底系面豉汤汤底，我就觉得几好味，但如果想转汤底嘅朋友就有福了，你要求的话，佢系可以拣转汤底嘅（个Menu上面有写）。跟住我哋叫咗个杂锦串烧。有鸡软骨、冬菇、鱼饼同鸡翼。佢四款串烧都超好食，烧到金黄色，好惹味。你仲可以挤啲柠檬汁落d串烧上面，令到佢地更加有鲜味。个冷菠菜好好食，佢系用咗啲麻酱捞菠菜，上面再铺啲木鱼丝，冇谂过依三样嘢一齐系会咁夹。