小神燈新派飯館 (已結業)

今日嚟到调景岭食饭，呢度嘅商场好似唔多嘢食，唯一一个吸引的就系呢间小神灯。餐厅入边环境非常之特别，虽然系大排档中餐馆，但系装修非常有心思。呢度有劲多菜式选择，真系谂得到嘅都有。菠萝咕噜肉外皮酥脆，内里鲜嫩多汁，酸甜酱汁更系菠萝咕噜肉嘅灵魂，令人食完想再食。沙姜焗海花螺嘅肉质鲜嫩，沙姜酱嘅酱汁又葱味，估唔到依个组合咁特别。用住竹签撩出嚟更加有大排档风味。金沙鬼马百花酿油条系一个好有创意嘅菜式，其实系将油炸鬼切开，酿入墨鱼滑再铺满咸蛋酱落油镬炸。真系劲惹味，好想问餐厅有冇一包装买。椒盐瀬尿虾嘅椒盐味道非常香口，令到我本身唔系好大兴趣嘅，都越食越上瘾。爆膏奶油虾嘅大虾鲜甜弹牙，奶油汁嘅味道香滑浓郁，重点系虾头嘅膏真系一口爆发出嚟，非常鲜甜。奇趣脆皮猪手炸得皮脆肉嫩，估唔到嘅系猪手嘅皮爽脆得来，肉质可以保持腍滑，我觉得比起西餐厅煮嘅德国猪手仲更加好味。本身以为调景岭冇野好食，但好彩畀我揾到依间小神灯。