Brew Dog Coffee Co.

营业中

休息中

📍新蒲岗 Brew Dog Coffee Co.因为住得近，所以以前成日都去新蒲岗食饭。但系因为最近周围开咗好多商场，所以都好少再行过去呢一面食嘢。今日时间好耐，嚟到呢一间位于一楼嘅真点隐世cafe。舖头嘅面积唔大，但系座位都坐得好舒服，佢系喺一楼转角再转角嘅位置，所以都揾咗一段时间。٩(˃̶͈̀௰˂̶͈́)و蟹膏浓虾汁虎虾蟹肉意大利饭呢一道菜真系非常之有惊喜，已经超大碟，但系食完都仲想再食。佢每一啖都满布住蟹膏嘅香味，而且饭粒中间夹杂着蟹肉，令到成个口感都好有层次。再加上佢嘅意大利饭并唔系用普通饭粒，口感好似意粉咁，但系形状系米粒，非常之特别。整体嚟讲成个主菜都好入味，而且虾份量都好多，咬落去仲要好爽口。开心果咖啡那堤本身喺度睇紧嘅时候都谂紧那堤系乜嘢嚟😂原来系latte既译名，超级搞笑🙈佢嘅开心果除咗有味道之外，仲会有淡淡咬口，配上浓厚嘅牛奶同埋香浓嘅咖啡，成个配合系超正🩵🙌🏻仲要一上枱嘅时候有三个层次，啱晒钟意打卡嘅你。