雲石小姐 (已搬遷) 新店位置

今年好兴云石纹，我身为一个正常嘅少女，都好钟意云石纹，早几日人日，偶然发现好多foodie都推呢间云石小姐，所以我都提早订咗个蛋糕。店入面环境好靓，个花花墙同啲装饰满足哂少女心💕今次我无订到云石嘅蛋糕，反而订咗个黑糖珍珠雪崩蛋糕 $380 4吋，因为我见好多人推呢款🤤 我仲加钱配咗呢个生日牌，仲识著灯，超靓！仲送咗张云石纹心意卡！拎蛋糕时店员都有提醒个蛋糕要点处理，好细心。我拎到返屋企，到食，大约一个钟头到。包装入面有黑糖珍珠，一打开盖，啲香味飘哂出嚟～店员叮嘱要整返开啲珍珠，等佢哋唔好痴埋一齐先倒落去。唔知系咪我开嘅手势唔好，定系啲奶茶太多，定系个蛋糕太少，佢变咗咁😭 明明我睇openrice/其他foodie嘅都好靓😭😭Any肥，虽然卖相fail咗，啲珍珠又因为个表面太流质，郁嚟郁去，但个蛋糕味道真系唔错！我自己系奶茶控，都觉得个味好正啊💕间店话系用咗twinnings茶叶，茶咪好出👍🏻 忍唔住不停「不」个酱嚟食🤤，底下嘅戚风蛋糕好松软，切开用嚟沾酱超正。