Lady Nara

营业中

休息中

之前见到广告介绍Lady Nara，一直想去试试，早几日同同事去咗海港城，见Nara有位就不如入去试下啦。首先系前菜，分别系「特色脆鸡拼盘」同埋个「波萝牛肉他他」。脆鸡拼盘有三款鸡，分别系烧烤味鸡膇、松露单骨鸡翼同咸蛋黄，三款都好入味。成餐我觉得最好食系个牛肉他他，波萝同牛肉真系好夹，酸酸甜甜开胃一流。正餐我点咗个「冬荫烟肉忌廉意粉」，即系泰式Carbonara，冬荫功味同忌廉岀奇地几夹。同事嗌咗「龙虾冬荫意粉」，我食咗两啖试味，觉得佢𠮶碟好食啲，冬荫功味冇咁浓但系龙虾汁好香浓。餐饮我要咗杯「荔枝玫瑰梳打」，甜甜地天气咁热饮完好舒服。总结，食物份量好足，而且环境一流，唔平但都值得试。