花甲年華

营业中

休息中

花甲年华In the mood for clam📍 屯门屯顺街1号屯门市广场一期2楼2253A号舖Food Maze上次去屯市新开嘅food court食burger时，见好多人都食一兜用锡纸装嘅粉面，好奇一问下先知原来喺burger嘅嚟档花甲粉，我以前去上海实习都成日有食花甲粉，难得香港都有得食，一定要试试佢！ 💰$60鲜甜花甲粉 🍜虽然话系做花甲粉嘅专门店，但感觉上冇咩特色，可能因为我食过好正宗嘅花甲粉，所以觉得呢度嘅花甲粉无论系调味用料都同想像中有落差。先讲佢嘅花甲，每只都好细，有啲仲要剩系得个壳，识落仲有少少沙添。粉方面我哋拣咗粉丝，汤底拣咗微辣清汤，汤底唔算重味精，饮完唔会觉得好咸，但粉丝剪到好碎，几乎要用匙羹毕先食到。最后就系配料，芫荽、芽菜同葱都无咩香味，索唔到汤底嘅精华。无可否认佢哋嘅花甲粉系未开食之前已经闻到好香，打开睇到卖相亦都唔差，但真正食落就中规中矩。以呢个价钱喺屯门其实可以食到更加好嘅嘢，个人认为唔需要为咗食佢喺food court特登排队等位。