影片
更多
2009-06-26
18 浏览
系呢度见到食评话呢间餐厅气氛好好, 决定去试下~ 星期二打电话去book, 我同佢讲话有两个人都系六月生日 (我地Total五个人), 我问佢咁系咪送两个蛋糕, 佢话送既蛋糕会系大个D同埋会写住两个名, 跟住收左线…我谂谂o下唔对路, 因为一个系我老公, 一个系我个 friend, 佢地又唔系一Pair, 我就再打电话去问可唔可以分开比两个蛋糕, 接电话个男人话OK, 我就好放心咁BOOK左. 去到, 见D set 其实都几贵, 最平个餐系3 个 Appetizer, 1个Main, 1个Dessert咁, $196, 我地主要都叫左JADE果个餐, 2 个 Appetizer, 1个SUMBA recommendation, 1个Main, 1个Dessert, $214, 未计加一. D野黎到, 好细碟…我有两个男仔Friend好大食, 我都觉得几唔好意思…我知佢地一定会食唔饱…咁D野食既味道不过不失啦, 可能小食多滋味啦, 最唔好食系其中一个SUMBA recommendation, 煎蚝, 劲腥, 仲有个龙虾汤好难饮, 无虾味, 都唔知咩味, 好怪,个菠菜cream soup
去到, 见D set 其实都几贵, 最平个餐系3 个 Appetizer, 1个Main, 1个Dessert咁, $196, 我地主要都叫左JADE果个餐, 2 个 Appetizer, 1个SUMBA recommendation, 1个Main, 1个Dessert, $214, 未计加一.
D野黎到, 好细碟…我有两个男仔Friend好大食, 我都觉得几唔好意思…我知佢地一定会食唔饱…咁D野食既味道不过不失啦, 可能小食多滋味啦, 最唔好食系其中一个SUMBA recommendation, 煎蚝, 劲腥, 仲有个龙虾汤好难饮, 无虾味, 都唔知咩味, 好怪,个菠菜cream soup 好饮好多!
连Main dish都系好细碟, 咁食完main dish 之后, 我见有得整朱古力, 就问个 waitress, 系唔系可以自己埋去整, 点知佢叫我地唔好整住, 话就快出甜品㖞, 其实我唔系好明出甜品同我去整朱古力有咩关系, 不过佢咁讲, 我地就无去整…
到火焰蛋糕出场既时间! 竟然系一个蛋糕…写住两个名…我无出声呀, 费时另到生日既朋友唔高兴, 不过我觉得几嬲啰, o系电话度明明应承左我分开两个蛋糕, 卒之都系一个, 如果唔可以分两个咪老实o系电话度拒绝我啰, 洗唔洗呃我呀, 唔知系咪生意差, 惊我地唔黎呢 (我见个场都坐唔满) 但系我最憎D人讲过唔算数啰!
Waitress 点火焰时失了手…点第一次唔著, 跟住换过第二杯酒精先OK, 个火焰蛋糕好好味~ J 系雪糕蛋糕, 外层系蛋白~
讲返餐厅既气氛, 成晚真系不断听到生日歌, 至于咁样系咪好气氛, 就见仁见智喇, 因为我听第一二次都觉得”几有气氛㖞” 听第三四五六次之后就觉得 TOO MUCH 啦…
埋单每人大约 230~ 我地下次都未必会再黎~ 最唔开心系比人呃, 唔系话想贪佢个蛋糕, 如果第二次我打电话去问佢都话唔可以分开两个蛋糕, 我都唔会 LUR 佢啰, 但我有保留选择第二间餐厅既权利丫嘛. 我唔知系咪我同餐厅职员沟通有问题.
张贴