八方雲集鍋貼水餃專門店

营业中

休息中

见呢度新开左一间八方云集，夜晚决定呢度试吓。啲服务员好似好忙咁，企咗喺个counter接近15分钟，都未有人嚟帮我落单。终于有个煮紧嘢嘅哥哥嚟问我食乜，我叫咗一个10号餐，有面线，五只锅贴，同埋一杯豆浆，总共系$41。落咗单之后呢，就俾咗个号码牌我，咁我就拎住个牌去揾位坐喇，因为新开，啲座位都算企理，啲酱料好齐，每张枱都有醋，有辣椒，有胡椒粉。冇几耐就有人送嘢食过嚟，个面线味道一般般，基本上汤有啲咸之外就冇乜味，就算落多啲醋，味道都系麻麻，配料有猪大肠，贡丸等等。锅贴就唔错，唔会煎得太㶶，咬落都有啲肉汁，再点啲豆瓣酱，都几香口。