郭仔記車仔麵 昌運中心

营业中

休息中

今日同朋友喺大埔踩完单车就嚟咗昌运中心嘅郭仔记食车仔面，车仔面来讲佢舖头嘅环境都真系好企理干净，灯火通明嘅感觉。我同朋友做完运动都相当肚饿，我叫咗红薯粉沙嗲小辣、牛柏叶、生炸鸡髀、清甜萝卜同埋椰汁红豆冰。而我朋友就叫咗粗面沙嗲小辣、红肠、生炸猪扒、水鱿鱼同椰汁红豆冰。两个对于美食嘅取向都好同步🤣车仔面好快就上到嚟，卖相都好吸引，足料。试咗佢嘅生炸鸡髀，真系出色，不过原本以为佢会另外揾个碟上，咁就可以保持佢嘅脆口，唔会浸林晒。萝卜入味清甜，好食。牛柏叶都正正常常几好食。虽然只系叫小辣，但唔知系咪第一啖冇捞匀个辣汁，都相当辣下。值得一赞嘅系呢度除咗环境几企理之外，佢提供嘅筷子都系独立包装，喺疫情期间真系俾咗人一个安心。