齋啡 (已結業)

周末想揾一间宁静既 cafe 一啲都唔易，仲要系闹市。呢间纯素既 cafe，喺尖沙咀和佐敦中间，环境好舒服，空间感好充足。而且唔会限时，可以舒舒服服叹杯咖啡。咖啡黎讲呢间咖啡店全部选用 Oat Milk，没其他选择。不过佢地拣既 Oat Milk 燕麦味好淡，配咖啡都好适合。我拣左 Latte，咖啡比较清淡，拉花就普通，而且奶打得唔系好够，温度偏低，有进步既空间。另外，拣左 Earl Grey Vegan Cake 黎试下。食过Vegan Cake 都明白，会同普通既蛋糕会有好大分别。呢间做既蛋糕质地偏挺身，弹性比较大，但茶味比较淡。Cream 既部分比较稠密厚实，虽然甜度唔高，但系都有啲腻。Vegan Cake 黎讲就中规中矩。