鮮入圍煮花膠雞海鮮火鍋

营业中

休息中

以前已经听过鲜入围煮，但今次第一次食。无谂过尖沙咀店咁多人，book左都要等，加上等位个空间好逼，大家要有心理准备，好彩店员都好友善地安抚食客。黎得应该都系冲住佢个花胶鸡汤，即使半只份量都几多，鸡肉同花胶份量都足够。店员建议先饮汤，再加骨汤打边炉。汤头的确几出色，有鸡汤既鲜甜，又有花胶个种独有既胶质。比起一般边炉汤底较浓，亦较有特色。娃娃菜放晒落去鸡汤到煮，吸晒个汤D味之余，又有娃娃菜既甜。澳洲和牛牛展肉呢款虽然系餐牌中比较平嘅一款，但煮完唔会鞋，有肉味又唔怕太油，OK啵姜汁皮蛋贡丸有惊喜，平时麻麻皮蛋都钟意。牛黄喉份量好多，质地系爽脆，但配呢个汤唔太夹，如果叫麻辣就夹好多。饮品上除左一般汽水啤酒茶都有D特色野饮拣。