老地方果汁

营业中

休息中

深水埗除咗多电器商品卖，都有唔少小食同街头饮品，有得行又有得食，都不失为消磨时间嘅一个选择。早排又去咗深水埗，咁啱行个阵又未到食饭时间，但天气又热热地，又买咗小食有啲口渴，就系周围兜下睇有咩饮品。青苹果满天星佢系满天星蒟蒻特饮系列其中一款。普通size要＄19，加大就要＄21。其实以小店饮品而言都颇贵，印象中系葵涌广场顶楼饮品店＄10或以下都买到一杯。平时都有饮珍珠奶茶、黑糖乜乜乜，所以再贵啲都买过，但以同类型饮品而言，呢间店嘅饮品真系有少少贵。呢杯入面有唔同色嘅蒟蒻，口感偏硬，不过不失。而青苹果汁酸度较重，都饮到少少果渣。