Espresso Alchemy

营业中

休息中

尖沙咀嘅商店无行一排就已经变晒。今日嚟到美丽华商场地库发现一间走时尚风格嘅餐厅。就好似发现咗绿洲咁！呢度舒适宁静嘅环境与外面热闹嘅街道形成强烈对比。餐厅内座位与座位之间有一定距离，唔会坐得逼狭。 呢个系港版奶酱多嘅进化版，焗到脆卜卜嘅面包粒，系自家制！淋上甜甜嘅奶酱，面包上面仲有粗粒花生酱。净系个样就已经靓仔过平时食开嘅奶酱多好多倍。一啖放入口，脆到卡卡声，一粒接一粒，完全停唔到口呀。一碟阔条面，入面包含咗几款海鲜 - 大虾、青口、鱿鱼，十分足料。青口饱满，带点海水咸味。 大虾、鱿鱼爽口。宽面扎实弹牙，挂满番茄同海鲜嘅精华。一般朱古力热饮都系质重味甜。依个 Earl Grey Chocolate令我完全改观，第一啖四个字「 细致丝滑」。浓郁嘅朱古力加入伯爵茶，原来可以大大减低甜腻嘅感觉。而且伯爵茶味道较一般茶类重，特别适合搭配巧克力，互相辉映。