Big John (已結業)

原本谂到去食日本o野，不过睇完食评心思思，于是改咗o黎呢度。同太太两个都唔谂太多，同样叫咗招牌炸猪扒拉面，热柠茶。小食一个要咗格仔饼，另一个加钱转蓝莓芝士饼。炸猪扒同平时食到o既好唔同，佢俾我o既感觉唔系脆而系松化，而且系入口溶化o固种…肉质偏腍，而且肥膏比较多，但整体仍然超班！拉面好幼身，有啲似天使面。面本身较淡，好彩汤底够浓郁，互相配合之下总算可口。饭后甜品上场，蓝莓芝士饼真系好滑，虽然芝味唔浓，但配上蓝莓刚刚好。饼底用上消化饼，感觉上好似好正宗咁，而且Home made感强烈。格仔饼几好味，仲好似细个街边档o既口味，但唔算太特别。不过系即制，总算热辣辣。柠茶用茶包，所以唔系好够味，胜在柠檬几新鲜同唔苦涩。p.s. 店里面好多狗仔相片，以为自己去错宠物店...