尖東好彩海鮮酒家海景宴會廳

营业中

休息中

星期六尖沙咀收工，想找一间餐厅坐低慢慢食个晚餐，撞正五一假期，周围都系游客，喺尖东揾到间酒楼有海景，又唔使等位，就试吓彩福海鲜酒家，地方好大，好光猛，餐具清洁程度正常，洗手间清洁程度一般地面湿滑，如果坐到窗边，仲有尖东海旁海景。风云片皮鸭（一只）$298，一鸭两食，侍应喺厨房用车仔推片皮鸭到客人枱前即场用刀片皮，眼见片皮鸭热辣辣仲有烟出，包皮用蒸笼上保持到热度，每块皮中间都有牛油纸阻隔避免黐住一齐，片皮鸭皮脆唔多肥膏，酱料除咗一般正常外，还有XO酱、沙茶酱及沙律酱配合XO酱竟然几好味，剩余嘅鸭肉选择咗芽王炒丝，鸭丝炒出嚟会唔会太干亦唔会太韧味道几好，配合芽菜好有口感。双仙采灵芝（云耳，鲜淮山，西兰花，椰菜花）$ 98，蔬菜炒得有镬气所有菜都好爽口。滋味三杯鸡煲 $118，鸡件嘅份量都好多，配料亦都好足，炸蒜头、干葱葱，姜片，所以令到整个鸡煲个味道好好。系尖东食中菜晚饭，七蚊嘅价钱，真系算系咁，坐得舒舒服服饮番杯茶，普洱茶叶就正常普通，窗边仲有海景，绝对合理。