人和月雞煲火鍋店 (已結業)

天气转冷又系食鸡煲、火锅嘅时候，位于尖沙咀海防道的人和月鸡煲火锅店位置方便，而且可以一次过满足晒鸡煲+火锅两个愿望。普通鸡煲大家可能食得多，人和月就以首创酥皮麻辣芝士鸡煲吸客，成功吸引咗我帮衬😆虽然座位不算少，但目测7点左右已全场满座，稳阵起见记得要订座。🥘sᴇᴛ ʙ 澳洲ᴍ4和牛套餐 $348套餐包咗一个头盘加任食火锅，限时120分钟。头盘可以选择麻辣鸡煲/酸菜鱼/卜卜蚬/韩式芝士鸡，或者加钱升级酥皮麻辣芝士鸡煲/椰青香茅青柠烤鱼/麻辣烤鱼。-酥皮麻辣芝士鸡煲系个人大推之选🫶🏻拣咗BB辣辣度刚好，微辣惹味。酥皮吸咗酱汁连埋芝士一齐食明知肥肥都忍唔住食咗好多🥹火锅汤底可以八选一，另外再开新锅唔会用番鸡煲打边炉。食完咁重口味嘅鸡煲决定要个药膳养生牛奶汤清淡番少少😛火锅跟一客美国牛肉大满贯，除咗澳洲ᴍ4和牛、手切顶级封门柳、极上黑安格斯牛小排，其他都可以之后再追加，包括牛板腱、牛下肩、牛胸爽等。火锅配料都有墨鱼滑、虾滑、丸类等。自助区供应数款小食，另外亦可自取蔬菜、蟹柳、芝士肠、麻吉烧等等。饮品柜除咗罐装饮品仲有自家冷泡柠茶，味道不错😆甜品就有杯装雪糕、芋圆等供应～