影片
更多
2022-05-21
59 浏览
星期五晚终于可以出街食饭喇，我同朋友买咗戏飞喺iSQUARE睇戏，所以就顺便喺商场揾嘢食。实不相瞒我哋好耐都冇嚟过呢个商场，因为佢近年十室九空🙈，不过讲到最旺场嘅餐厅非「上海婆婆336」莫属。餐厅占地面积非常大，分咗两边用餐区域，但基本上全场爆满，人气极高👏，可算系同商场形成强烈对比，哈哈。呢度系一间新派上海菜馆🥢，行工业风装修风格，简单舒服唔造作。餐厅采用QR Code落单📱，但同时亦提供实体餐牌，以方便参阅。斋睇定价我已经觉得餐厅好鬼抵食，大部份菜式一百蚊有找，而且佢哋全部都大大碟，实属性价比高👍。四川蕃茄牛肉($75)，餐厅有唔少牛肉菜式，我拣咗蕃茄呢款🍅，因为比较少见，不过佢唔系港式蕃茄汤通粉𠮶只味道。另一边厢，辣度亦有得拣，小辣果然符合期望，老少咸宜，但都要小心辣椒啊。最后，我想讲主角牛肉多到一个点🥩，粗略估计可能有接近廿片，而且每片大小厚薄适中，牛味浓郁，肉质细嫩。佢份量仲多过出面餐厅几百蚊一大窝𠮶啲水煮菜式！小排骨担担面($68)，餐厅有多款面食选择🍜，佢嘅拉面系手造，而非机制，诚意十足。面条长长的，面质软身，挂汤度高。担担汤底偏杰身，花生酱味浓稠，但就唔算好辣，所以食落
星期五晚终于可以出街食饭喇，我同朋友买咗戏飞喺iSQUARE睇戏，所以就顺便喺商场揾嘢食。实不相瞒我哋好耐都冇嚟过呢个商场，因为佢近年十室九空🙈，不过讲到最旺场嘅餐厅非「上海婆婆336」莫属。
餐厅占地面积非常大，分咗两边用餐区域，但基本上全场爆满，人气极高👏，可算系同商场形成强烈对比，哈哈。呢度系一间新派上海菜馆🥢，行工业风装修风格，简单舒服唔造作。
餐厅采用QR Code落单📱，但同时亦提供实体餐牌，以方便参阅。斋睇定价我已经觉得餐厅好鬼抵食，大部份菜式一百蚊有找，而且佢哋全部都大大碟，实属性价比高👍。
四川蕃茄牛肉
$75
2 浏览
0 赞好
0 留言
小排骨担担面($68)，餐厅有多款面食选择🍜，佢嘅拉面系手造，而非机制，诚意十足。面条长长的，面质软身，挂汤度高。担担汤底偏杰身，花生酱味浓稠，但就唔算好辣，所以食落都几饱滞。🍖小排骨分开碟另上，佢坚系排骨，而唔系炸猪扒，口感唔干身。
麻辣鸡丝粉皮($68)，鸡丝粉皮好清爽，适合夏天食，好消暑☀️。酱汁可选择分开上，自行决定落几多。麻辣沟芝麻酱好夹，估唔到辣度都几明显，但麻酱中和返又OK。粉皮烟韧爽弹，捞埋鸡丝同青瓜丝食好味道🐔。
黄金四季豆($72)，四季豆煮得够淋，无臭青味，而外层就沾满流沙咸蛋黄酱🍳，每条都好均匀入味，邪恶到爆啊😈。但两条友食晒成碟，食到尾就有少少腻。
上海酸辣汤
$45
1 浏览
0 赞好
0 留言
青花椒汤云吞($50/8粒)，🥟云吞仔细细只，皮薄滑溜，肉馅饱满。不过讲到令人印象深刻嘅莫过于个青花椒汤底，佢微微辣，但麻味就好强。呢个正正系青花椒特色，值得一试。
婆婆生煎包($38/3只)，生煎包属正常发挥，咬落有爆汁嘅效果💦，但就未算好有惊喜。如果唔系嗌咗云呑，我会食小笼包，话晒系传统上海点心嘛。
高力豆沙
$48
7 浏览
0 赞好
0 留言
总括嚟讲，上海婆婆336好高质，让人喜出望外😍。佢座落于尖沙咀大商场内，但竟然以大众化价钱，为大家带嚟正宗上海美食🇨🇳。餐厅名叫336，谐音为谢谢侬，锐意做好每一道菜色以答谢顾客嘅支持，佢果然做得到！
张贴
