Potluck Eatery

今日放早，特登约咗朋友去一间好有格调嘅Cafe食嘢。入到去成个环境格局都好舒适，每张枱都点住一啲蜡烛，间餐厅好多木嘅元素令人好放松舒服。第一时间睇吓有咩食，见到Menu好多选择之余，价钱亦都亲民。太肚饿嘅关系，即刻叫咗一客黑松露薯条，蒜蓉牛油鸡翼，蟹肉大啡菇。个薯条一上到嚟，劲大兜，本身仲谂住唔够食添🥲黑松露味好香，薯条炸得香脆。大啡菇上面全部都系蟹肉，食得出海水味，亦都口感丰富好食。蒜蓉鸡翼只只都饱满大只，识落入面都好多汁，最怕啲干柴鸡翼🤣跟住到主食，我哋加咗其中一个主食做set，只系加$40就可以有餐汤餐包饮品同埋甜品。今日餐汤系红菜头汤，见我朋友肥咗咁多，梗系让俾佢饮啦健康一下呀嘛🫶🏻煮食我哋拣咗鹅肝牛肝菌阔条面，卡邦尼意粉。鹅肝一大片，同个牛肝菌阔条面非常之夹，鹅肝嘅油捞埋个牛肝菌阔条面味道好浓郁好顺滑🥰卡邦尼意粉，个汁都好浓郁，意大利粉煮得偏硬身系我钟意嘅口感，好挂汁。佢仲有好多嘅烟肉粒，好大方。最后上咗个蓝莓芝士蛋糕作结，食落好Creamy，亦都唔会太甜，好食😁到我哋走嘅时候，餐厅已经坐满晒人，好彩早少少嚟啫，下次会再encore ！