CARAT Fine Indian and Mediterranean Cuisine (盈豐商業大廈)

营业中

休息中

前排去尖沙咀剪头发，揾到间环境幽静嘅印度地中海餐厅食午餐，整体感觉几好几新鲜。首先试咗佢哋嘅茅屋芝士球菠菜蓉咖哩，一粒粒嘅芝士浸系加咗浓浓印度香料嘅菠菜酱入面，香得嚟非常惹味。茅屋芝士亦相对健康，可以放心食多啲。印度煎饼方面，我同朋友试咗Roti，比普通Naan厚身同软，接近面包嘅质地。我哋拣咗扁豆粉香料麦烤饼，唔使点酱就咁食，已经香气扑鼻，我哋仲点咗啲菠菜蓉咖哩一齐食，多重享受。主菜叫咗乳酪番红花薄荷羊肉香饭，羊肉饭有好多大大粒羊肉，虽然大大锅，但印度米比较轻身，唔会惊太饱。而且可以捞乳酪食，辣得嚟有少少甜甜地，味道几特别。甜品就叫咗玫瑰糖蜜饯球，玫瑰蜜饯好香，食落甜甜地软腍腍，好似日式和菓子，不过一啖呑哂之后发现原来系热食，虽然辣亲但系又几好食。抱住猎奇嘅心态试咗Chaas呢个饮品，初入口有啲酸奶嘅感觉，跟住有啲咸味，饮到喉咙仲有啲辣，系一款好特别好多层次嘅饮品。