DKLM Bar & Restaurant (已結業)

位于尖沙咀金巴利道的MW Plaza, 地点十分方便, 而且楼上舖的关系, 唔算多人, 十分适合朋友聚会。香煎三文鱼伴蕃茄忌廉意粉, 三文鱼外层煎得香脆, 内层嫩滑, 配上甜酸比例恰当的蕃茄忌廉意粉, 好好食! 觉得份量可以再多D, 因为真系太好食。安格斯牛肉迷你汉堡伴车打芝士及松露薯条, 松露薯条即炸即食十分香口, 松露味亦都好香浓, 而安格斯牛肉迷你汉堡就细细件好得意, 味道唔错。安格斯肉眼牛扒伴香菌烧汁, 叫左五成熟, 黎到煎到岩岩好, 同埋都几大块, 好适合同朋友分享一齐食。美国极黑猪扒伴黑醋烧汁, 猪扒有惊喜! 好怕食到好柴的猪扒, 但依块唔会, 软硬适中仲有少少肉汁, 配上黑醋烧汁味道好夹, 另外配菜有薯条同沙律菜, 自己一个食都几饱。星期六下午唔算多人,同埋果度有间K房可以唱K, 相信好适合一大班朋友食饭倾计饮下酒。