人和月雞煲火鍋店 (已結業)

今日过嚟尖沙咀呢边打边炉，咁啱有啲雨，所以我哋揾咗呢间你地铁站好近嘅火锅店，仲有得任食添！环境好干净企理，而价钱喺尖沙咀来讲都算好合理，我哋拣咗$398嘅任食套餐，可以任食澳洲M4和牛，自助区除咗有火锅配料之外，甜品唔单只系雪糕仲有自家制嘅豆腐花、芋圆，仲有少许餐前嘅小食。首先头盘可以四拣一，有三款烤鱼同埋佢哋嘅全港独创嘅招牌：酥皮芝士鸡煲，当然首选系呢个啦。上枱之后都几惊艳，好大块酥皮po左喺 面，影完相之后店员就帮我哋将酥皮同鸡件炒埋，鸡煲本身有好多芝士，再配埋充满牛油香嘅酥皮，口感真系非常正！食完鸡煲之后我哋就转打边炉，汤底方面我哋拣咗香浓沙嗲锅。首先每一台都会送海鲜拼盘，款式好多而且好新鲜！另外仲有牛肉拼盘，全部都已经融晒雪，而且油脂分布好平均，牛肉嘅食水亦都好靓，口感好好又有牛味！其余边炉配料选择虽然未算好多，但系重质不重量，质素唔错，尤其是佢哋嘅鲩鱼片系平时食酸菜鱼个种超林超滑嘅鱼片，好好味。另外佢哋嘅墨鱼滑都好弹牙好爽！饮品区方面 除咗一般嘅火锅店饮料之外仲有自家制嘅茶，冇落糖，但系果味好香，好饮。 总括嚟讲呢间火锅店质素真系好唔错，下次再带埋啲同事嚟食。