麵屋一平安 (已結業)

每次行美丽华，都想试试哩间日本嘢，今日终于有机会试下。店铺装修得好似日本居酒屋，侍应都系外国人，好得意。日本蜜桃汁，会搭配埋冰块一齐上，服务好好。热生姜柠檬蜜，生姜味唔会好重，姜味透出淡淡蜜糖香味，唔错。葱花牛舌，牛舌火候掌握得唔错，食落弹牙爽口唔会好韧。少少黑胡椒同海盐调味，已经可以带出牛舌鲜味。酥炸鸡软骨，即叫即整，送上来仲热笠笠。鸡软骨面衣好薄，食落好脆口。烧明太子鸡翼，鸡皮烤得好香脆，内里仲好juice。明太子鲜咸味道同鸡肉好夹，唔洗落酱已经好够味。特制熊本蒜油猪骨汤拉面，配料劲丰富，有溏心蛋，叉烧，紫菜等。拉面汤底好浓郁，饮得出落咗大量猪骨煲制，拉面挂晒汤底味道，好食到停唔落口。日本和牛寿喜烧锅，系期间限定菜品，必须试试。寿喜烧汤底系清甜果款，同蔬菜，豆腐都好夹。和牛会另上，仲会搭配埋日本蛋。和牛分量都几多下，微微烫下可以食。如果觉得唔够味，还可以点落塔塔酱一齐食，又系另一种风味。