十和田總本店

营业中

休息中

今次嚟开tst，食咗两个几抵嘅lunch set。🐟午市寿司套餐 ($128)套餐有14件寿司咁多，有吞拿鱼、立鱼、带子、三文鱼、鱿鱼、🦐虾寿司、海胆军舰同三文鱼籽军舰，仲有🥒6件青瓜小卷。 另外仲有个味噌汤，浓淡啱啱好。 刺身都几鲜，特别系个海胆，几有海水味😋 虾寿司个虾头仲要有少少膏。寿司饭系酱油色，带有淡淡酱油味但唔咸。🍽刺身拼鳗鱼饭 ($138)朋友乜都想试下，于是嗌咗个刺身并鳗鱼饭。刺身虾、三文鱼、油甘鱼同吞拿鱼，全部厚切！三文鱼、油甘鱼𠮶啲都几肥美。 .鳗鱼有半条咁多，另外仲配味噌汤同蒸蛋，蒸蛋几滑，入面有白果、蟹柳、鱼片、冬菇，用料十足，呢个set真心超值。