鮨白鳥 (已結業)

• 和牛海胆丼 ; 豪华刺身定食🍱•💵Price: $368 ; $298-尖沙咀棉登径一向都多日本餐厅既选择，个日行过发现原来默默地又新开左间日式料理店叫「鮨白鸟」。虽然新开但人流都算几旺，所以就吸引左我入去试下佢既lunch set喇！佢午市期间除左有两款omakase之外，仲供应一系列寿司料理同海鲜丼饭定食，定价由港币148元起至港币458元。我就order左个豪华刺身定食同和牛海胆丼，两个set都有沙律、茶碗蒸、汤同甜品。首先讲下个刺身定食，一共有六款新鲜刺身，包括真鲷、油甘鱼、帆立贝、牡丹虾、拖罗同海胆，全部都好新鲜，而且件件都厚身肥美。不过我最钟意既都系个和牛海胆饭，当中既和牛用上九州熊本A5「和王」，系佢地其中既一款招牌！呢款牛种必需饲养28个月以上，并获得A5或A4等级，同埋油花等级都要达到一定既标准，先可以称之为「和王」。睇下相入面个牛既油花分布真系好均匀好靓，食落牛味亦相当浓郁，配上佢地秘制既酱汁同鲜甜既马粪海胆，真系好好食好满足阿🤤🤤