影片
更多
2022-08-19
540 浏览
尖沙咀新开左一间英国炸鱼薯条店叫The Chippy @thechippyhk 佢嘅位置喺the one 对面新开个food court入面，门面到入边嘅装潢都走英国风🇬🇧真系离远都睇到呀。讲开炸鱼薯条，实不相瞒, 其实我想当年去New Zealand working holiday做嘅其中一份工作就系炸鱼薯条店，我就系正正要负责帮手炸鱼同炸薯条😜Time flies, 谂返都觉得好怀念啊。。。我好想返New Zealand 呀💛🥹讲返呢度先，所以我对Fish and chips都有少少要求，炸鱼外边嘅炸粉浆要开得靓，咁样炸得先够薄要够脆，入面嘅鱼肉要保持嫩滑，而炸薯条我记得当年我老板教我要炸两次，第一次系要慢慢炸到熟，第二次大火再炸就系要将薯条入面啲油逼番出嚟咁样啲薯条先至够脆又唔会有油益味，我就按住呢个标准去试吓呢一间英式炸鱼薯条店啦😋我个炸鱼薯条套餐系有一件12安士炸鱼柳，真系好大块，仲大块过我块面🤣炸鱼柳嘅外皮真系炸得又薄又脆，香脆度方面我都俾到9个脆，而且仲成功将鱼肉嘅肉质同埋温度锁住，我坐个位咁啱系冷气风位，系咁比冷气吹住，但作为Foodie嘅我又要系咁影相，影咗一段时间，
讲开炸鱼薯条，实不相瞒, 其实我想当年去New Zealand working holiday做嘅其中一份工作就系炸鱼薯条店，我就系正正要负责帮手炸鱼同炸薯条😜Time flies, 谂返都觉得好怀念啊。。。我好想返New Zealand 呀💛🥹讲返呢度先，所以我对Fish and chips都有少少要求，炸鱼外边嘅炸粉浆要开得靓，咁样炸得先够薄要够脆，入面嘅鱼肉要保持嫩滑，而炸薯条我记得当年我老板教我要炸两次，第一次系要慢慢炸到熟，第二次大火再炸就系要将薯条入面啲油逼番出嚟咁样啲薯条先至够脆又唔会有油益味，我就按住呢个标准去试吓呢一间英式炸鱼薯条店啦😋
我个炸鱼薯条套餐系有一件12安士炸鱼柳，真系好大块，仲大块过我块面🤣
炸鱼柳嘅外皮真系炸得又薄又脆，香脆度方面我都俾到9个脆，而且仲成功将鱼肉嘅肉质同埋温度锁住，我坐个位咁啱系冷气风位，系咁比冷气吹住，但作为Foodie嘅我又要系咁影相，影咗一段时间，当我切落去果下中间仲系冒烟好够热㗎，你就知呢旧鱼炸得好好，真真正正做到外脆内嫩😍
而且佢嘅鱼柳选用顶级北大西洋鳕鱼，所以就算咁大块，佢嘅肉质都系好嫩滑唔觉得鞋，我欣赏佢嘅炸鱼柳吖，正呀喂！👍💛.
薯条方面，佢系炸粗身薯条，外表炸得金黄都几脆唔会有油益味，唔通佢又系用咗想当年我老板教我嘅炸2次方法逼返啲油出嚟？😂而且薯条配咗五款酱汁，有茄汁，醋，咖喱酱，牛肉烧汁同埋青豆酱，对我来讲好新鲜，同我想当年做炸鱼薯条店嘅酱汁好唔同，我记得当年喺纽西兰主要嘅酱汁系他他酱，蛋黄酱同茄汁，佢呢度除左都有提供茄汁，其他酱汁都好唔同，果然系好英式嘅风味，佢嘅咖喱酱少少甜有啲似日式咖喱，
牛肉烧汁偏咸呢个我几钟意，
青豆酱比较清新同埋清淡，我就觉得一般夹薯条，反而我就咁空口食都可以😆
.
我哋仲试埋佢嘅洋葱牛肉批，同行嘅朋友表示好欣赏佢呢个批，我都觉得唔错，中间系满满嘅洋葱同牛肉，个味道唔错出面嘅酥皮都焗得几好。
.
去开尖沙咀嘅话嚟呢度试一下英式风味嘅炸鱼薯条都唔错呀，不过食完炸嘢记得饮返啲凉茶就冇咁热气啦哈哈😜😜😜
📍The Chippy
尖沙咀加连威老道46-48号恒隆银行大厦地下8号舖
张贴
