壽喜燒·肉屋

营业中

休息中

好耐无食过寿喜烧喇，今日就同朋友寿咗尖沙咀寿喜烧·肉屋食晚餐。适逢做紧一周年优惠，食特上或者极上套餐，可以享有88折，可以当系抵消返加一服务费。我哋都叫咗特上套餐，套餐包括咗4%奇迹A5萨摩牛西冷/肉眼切片，两片霜降萨摩牛切片，前菜，野菜盛盒，兰王蛋+无菌蛋，日本米饭同甜品。前菜嘅炙烧和牛明太子卷几出色，特别在于里面卷住一条梨子，入口牛同明太子嘅味道实在太正，而中间嘅梨就一扫和牛嘅油腻。讲返正题，当然系A5萨摩牛啦，店员会帮食客烹调好果块最正嘅4%奇迹A5萨摩牛切片。可以话好食到离哂地。萨摩牛肉质柔软细嫩，脂肪分布均匀，几乎可以在口中融化。牛肉嘅嫩度、香气都十分明显。食完4%奇迹，店员就会示范点烹煮野菜盛合同霜降萨摩牛切片。虽然霜降萨摩牛切片相比4%奇迹略为逊色，但亦都非常好味。整体来讲，依个价格，可以食到咁优质嘅和牛寿喜烧，值得推介一下。