樂意點心

营业中

休息中

今日放工后同妈咪系尖沙咀行街买野，行行下见到有间好多人排队嘅点心店，而且仲要系免加一嘅，决定入去试下。入到去，店员好细心，见到我地攞住购物后嘅一包二包都即刻俾个篮我地放系地下。我地叫咗一壶白桃乌龙茶，茶饮落去有阵阵嘅桃香味。主食方面，我地叫咗个$68 嘅套餐，套餐包括一碟蒸饭，一碗炖汤同点心/小吃。蒸饭方面，我地加咗$55 要咗碟咸蛋肉蒸红花蟹(配白饭)。只蟹系原只蟹，蟹肉都好多，餐厅俾埋剪刀同手套俾我地自己开蟹黎食。蟹下面就有咸蛋肉饼，肉饼好松软，配白饭食一流。炖汤方面，我地叫咗鲜花甲粉丝汤(另加$10)，花甲同粉丝嘅数量都算多，配汤一齐食好有口感。至于小食方面，我地叫咗鲜竹牛肉球，牛肉球大大粒，肉质松软。嚟到点心店，点都要叫多d 点心试下，于是我地再叫咗：一份$30 沙律蟹柳春卷(3件)，一份$30芝麻虾多士(3件) 同一份$28姜葱牛柏叶。牛柏叶非常爽口，仲可以拌饭食。春卷入面嘅沙律馅料甜甜酸酸，非常醒胃。而芝麻虾多士，多士好脆好松软，而且虾同芝麻嘅数量都十分足。叫咗咁多野食，埋单$244，也算扺食。