黑木亭居酒屋 (金馬倫道)

为庆祝闺蜜终于脱苦海，专登在闺蜜last day前出去尖沙咀陪佢食最后午餐🤣🤣闺蜜一向爱食日本菜，所以我地又去左闺蜜常去既黑木亭食午餐。论环境装修，黑木亭充满住浓厚既东瀛居酒屋既味道，从楼梯一路走到入餐厅内部，每一个角落都能令人彷如去左日本一样，非常啱打咭🤣黑木亭提供前菜，面豉汤同沙律自助区，另外仲有橙汁任饮。因为系庆祝闺蜜可以成功脱离尖沙咀呢个地方，我地决定食豪少少，食丰富少少🫠🫠我地点左刺身生蚝二人前午市商务餐。套餐包括：1. 时令法国生蚝2只肉质柔滑，入口有独特海水味外，更带有鲜甜味道。2. 薄切白身鱼刺身8片鱼肉清爽鲜甜不腻口，配上柚子酸醋非常开胃醒神。3. 真烧蟹甲罗满满既蟹膏再配上蟹籽蟹肉，烤过后香味扑鼻，咸甜适中既蟹膏配上法式多士，绝配👍🏻套餐仲包2份主食，我地分别点左拖罗三色丼以及刺身拼盘配冷荞麦面。三色丼分别有拖罗蓉，和牛粒，鳗鱼玉子；我选左我至爱既拖罗蓉，而闺蜜就非常厉害，一个人连食2个丼🤣刺身拼盘配冷荞麦面分量非常充足，拼盘有三文鱼，油甘鱼以及牡丹虾各2件，食埋大大碟既冷荞麦面，我地2个差d饱到唔识行落楼🤣🤣🤣🤣