影片
更多
2024-01-27
23 浏览
前排有朋友去呢间食铁板烧，大赞呢间餐厅除咗可以望到维港夜景，食物同服务嘅质素都非常唔错；咁岩我又好挂住日本同台湾嘅铁板烧，就转登book咗呢间餐厅试下。餐厅地理位置方便，环境非常舒服，当日坐嘅位置系吧台位，可以近距离望到厨师烹调。🍴海贺ニ人套餐🥗 无花果蟹肉沙律沙律嘅配料非常丰富，除咗有爽脆嘅蔬菜，仲有清甜嘅无花果同充满鲜味嘅蟹肉，再配埋酸味嘅沙律醋，愈食愈开胃。🐟三文鱼籽伴海云醋三文鱼籽粒粒晶莹剔透，食落完全无腥味，充满鲜味，而海云爽口滑溜，醋汁酸得黎又好开胃。🍲矶煮饱鱼鲍鱼肉质鲜嫩，煮得好入味，可以食到鲜甜香浓嘅日式酱油同昆布味；鲍鱼下面仲有一件大根，焖得好腍同入味。食鲍鱼个阵，可以点餐厅自家制嘅酱汁，据侍应介绍个酱系用鲍鱼熬成。🥘鹅肝鹅肝上台个阵，已经可以闻到好香嘅味；鹅肝表层煎到带脆口感，内里带幼滑质感，入口即溶。如果觉得太油腻，可以夹埋面包或者配埋黑蒜汁一齐食。🦐 大虾大虾肉质结实弹牙，仲可以保持到juicy；第一啖食个阵可以唔点蟹膏酱一齐食，先试下虾嘅原味，会食到浓郁嘅虾味。🥩 A4宫崎牛宫崎牛口感肉质弹牙鲜嫩，口感多汁且丰富，入口后食到啖啖油脂香，配埋蒜片同黑松露酱一齐食
🍴海贺ニ人套餐
🥗 无花果蟹肉沙律
沙律嘅配料非常丰富，除咗有爽脆嘅蔬菜，仲有清甜嘅无花果同充满鲜味嘅蟹肉，再配埋酸味嘅沙律醋，愈食愈开胃。
🐟三文鱼籽伴海云醋
三文鱼籽粒粒晶莹剔透，食落完全无腥味，充满鲜味，而海云爽口滑溜，醋汁酸得黎又好开胃。
🍲矶煮饱鱼
鲍鱼肉质鲜嫩，煮得好入味，可以食到鲜甜香浓嘅日式酱油同昆布味；鲍鱼下面仲有一件大根，焖得好腍同入味。食鲍鱼个阵，可以点餐厅自家制嘅酱汁，据侍应介绍个酱系用鲍鱼熬成。
🥘鹅肝
鹅肝上台个阵，已经可以闻到好香嘅味；鹅肝表层煎到带脆口感，内里带幼滑质感，入口即溶。如果觉得太油腻，可以夹埋面包或者配埋黑蒜汁一齐食。
🦐 大虾
大虾肉质结实弹牙，仲可以保持到juicy；第一啖食个阵可以唔点蟹膏酱一齐食，先试下虾嘅原味，会食到浓郁嘅虾味。
🥩 A4宫崎牛
宫崎牛口感肉质弹牙鲜嫩，口感多汁且丰富，入口后食到啖啖油脂香，配埋蒜片同黑松露酱一齐食，味道同口感更加丰富。
🍚 黑松露和牛&樱花虾炒饭 配渍物&味噌汤
和牛同樱花虾两样都好吸引，所以同朋友各叫一款；炒饭软硬干湿适中，米饭粒粒分明，和牛炒饭嘅黑松露味香浓，每一啖都食到牛肉粒；樱花虾炒饭嘅味道虽然比和牛炒饭淡，但樱花虾香气十足，食落口充满咸香海味。
🍴甜品
🫘 南瓜红豆糖水（热）
红豆糖水甜度适中，每粒红豆都好大粒，口感松软，好岩冬天个阵食。
🍮 焙茶奶冻
焙茶奶冻口感软滑，表面嘅焙茶果冻香浓而不甜腻，底下Q弹嘅奶冻入口即融，味道丰富。
🥤饮品
🍸 The “HK
呢杯cocktail嘅基酒系清酒，清酒气味清爽纯净，香气馥郁；第一次饮sake cocktail，估唔到用黎整cocktail都几好饮。
🍹Honey Moon
呢杯饮品由石榴、菠萝汁同蜜糖调制而成，因为系用水果鲜榨而成，所以比较杰身，味道充满果香，估唔到呢三样野加埋系咁夹。
张贴
