爵樂印度餐廳

营业中

休息中

头先同朋友去咗尖沙咀呢间印度餐厅食晚餐，个环境一入去已经feel到好有质感！天花挂满咗啲好靓嘅装饰，成间餐厅嘅气氛好有印度风情，连餐具同枱布都好讲究㖭。今次我哋试咗几款前菜，首先系Mulligatawny汤($78)，汤底系金黄色，香料味唔会太呛鼻，好开胃！跟住嚟个蟹肉Tacos($88/2件)真系好特别，将印度风味加入墨西哥菜入面，蟹肉馅料劲鲜甜，仲有生菜丝加埋更加爽口。南洋带子($148/4件)一定要试！每粒带子都烧得啱啱好，外面微微焦香，入面仲系嫩嫩哋，配埋佢嘅特制酱汁，香到癫！羊肉饼Galouti ($86/2件)就好适合做开胃菜，香料味够香但唔会抢咗羊肉嘅鲜味。主菜方面，最正𠮶款系坦都里珍宝虾($268/2只)，只虾大到癫，肉质超级爽弹，而且香料味香又唔会盖过虾嘅鲜味。鱼柳Tikka($98/2件)都几出色，鱼肉嫩滑冇干柴感，香料比例啱啱好。最特别推介佢哋嘅烧菠萝($148)，真系好新奇！将新鲜菠萝放入坦都里炉烧，个味道层次好丰富。配埋杯Mango Lassi($78)，甜甜哋好解腻。（必饮！）咖喱鸡Murgh Zafrani Korma($178)都值得一试，酱汁香浓滑溜，