阿爺八鮮鍋

营业中

休息中

✨️2.5小时河鲜海鲜鸡煲火锅放题✨️首先店员介绍佢地今日煲嘅鳄鱼肉炖川贝汤，几有仪式感系揾个煲装住。饮落带有啖啖海底椰香味，清甜美味。之后再上埋个刺身，有虾、赤贝、三文鱼及海哲，全部都几鲜嫩。再试下个鸡煲，有原味、泰底酸辣、韩式芝士或四川麻辣俾你拣，今次就试原味。煲底都有几多汁，而且都几浓郁，索晒入鸡件。鸡肉食落够晒惹味，而且份量岩岩好。火锅汤底就拣左椰子鸡及海鲜汤底，两者都几清甜。好快地都上埋个海鲜拼盘，有龙虾、鲍鱼、蟹、海虾、大蚬及蛏子。龙虾食落肉质非常新鲜q弹，特别要赞嘅系龙虾尾嘅肉可能因为经常拍打关系，而特别弹。其他活海鲜都十分新鲜，肉质够晒爽口。而且每次再叫鲍鱼食只鲍鱼都仲系郁郁下，非常新鲜。除左海鲜仲有唔同嘅配料可任供选择，有牛有猪有鸡有云吞水饺及菜等等。而个人就特别推荐安格斯牛肉、牛白肉、蟹子虾滑及黑松露墨鱼滑。安格斯牛肉肉质厚实，味道香浓；牛白肉就有微微牛油香味，口感有点脆又带点韧劲；虾滑及墨鱼滑都非常鲜嫩，爽口腍甜。食完果然朋友冇介绍错，又新鲜又抵食，尖沙咀呢个地段嚟讲真系算超越左呢个价钱应有嘅质素有余，正正。