影片
更多
2023-03-16
749 浏览
尖沙咀 畅饮欢聚首选串烧专门店🍻烧烤堂📍尖沙咀厚福街12号蓝马商业大厦5楼➰好歌推介「也许会有一天，世界真的有终点，也要和你举起回忆酿的甜，和你再干一杯。」#干杯 #五月天➰近排公司啱啱接左一单比较复杂嘅Project，成个星期都系追赶进度，难得今日可以准时收工，即刻约朋友出嚟吐下苦水，排难解忧一下。.朋友就话想食串烧饮下酒，我理所当然就推介左烧烤堂，依间都系我饭堂之选之一，串烧出品高质价钱公道而且可以同朋友开怀畅饮，甚至有时红馆睇Show之前想食餐丰富晚餐都非常推荐。.餐厅位于厚福街，距离尖沙咀站约5分钟路程，平日夜晚都人潮满坐，试过Walk in系完全无位，所以好建议打留话预订咗先，餐厅装修以木系居酒屋格调为主，室内灯光偏暗颇有情调，仲有户外有盖露台座位，环境会更热闹。➰饮品 𖥕Sapporo Premium Draft Beer 💲48(Buy one get one free!) ⭐️4.2/5⭐️餐厅饮品选择款式都多，酒类选项有清酒，HighBall等，亦有无酒精饮品提供。但当中最高性价比就不得不推介Sapporo生啤，长期推广买一送一优惠，生啤入口冰爽顺喉，非常满足，想畅饮嘅
烧烤堂
📍尖沙咀厚福街12号蓝马商业大厦5楼
➰好歌推介
「也许会有一天，世界真的有终点，也要和你举起回忆酿的甜，和你再干一杯。」
#干杯 #五月天
➰
近排公司啱啱接左一单比较复杂嘅Project，成个星期都系追赶进度，难得今日可以准时收工，即刻约朋友出嚟吐下苦水，排难解忧一下。
.
朋友就话想食串烧饮下酒，我理所当然就推介左烧烤堂，依间都系我饭堂之选之一，串烧出品高质价钱公道而且可以同朋友开怀畅饮，甚至有时红馆睇Show之前想食餐丰富晚餐都非常推荐。
.
餐厅位于厚福街，距离尖沙咀站约5分钟路程，平日夜晚都人潮满坐，试过Walk in系完全无位，所以好建议打留话预订咗先，餐厅装修以木系居酒屋格调为主，室内灯光偏暗颇有情调，仲有户外有盖露台座位，环境会更热闹。
➰饮品
𖥕Sapporo Premium Draft Beer 💲48
(Buy one get one free!) ⭐️4.2/5⭐️
餐厅饮品选择款式都多，酒类选项有清酒，HighBall等，亦有无酒精饮品提供。但当中最高性价比就不得不推介Sapporo生啤，长期推广买一送一优惠，生啤入口冰爽顺喉，非常满足，想畅饮嘅朋友不容错过。🍻
Sapporo Premium Draft Beer
17 浏览
0 赞好
0 留言
➰
Menu菜式款式五花八门，种类繁多，而且餐厅好有心思地为每款都配搭唔同风味烧制，如日/西/川式烧烤方式等，以下重点推介本人认为必点及高度推荐菜式。
✥前菜
味淋鱼干(日) 💲48/份 ⭐️4.1/5⭐️
率先出场就系日式嘅味淋鱼干，微焦带甜有咬口，仲配有沙律酱，系一边饮酒一边倾计食野一流嘅小食。😋
味淋鱼干
13 浏览
0 赞好
0 留言
.
桂花蜜糖本地冷蕃茄(西) 💲28/份 ⭐️4.1/5⭐️
蕃茄已经预先切片，西餐处理方法浸泡系桂花蜜糖汁入面，入口甜中带酸，仲有食到梅子粉调味，系好开胃嘅前菜。
𖥕串烧
厚切盐烧牛舌腩(日) 💲48/串 ⭐️4.2/5⭐️
牛舌中最珍贵同最好味嘅部分，肥美软腍，加上厚切有弹性而且软嫩多汁，入口丰富嘅油花回荡，好滋味，牛舌控不容错过。😋
.
汁烧横隔里肌(日) 💲28/串 ⭐️4.1/5⭐️
牛味浓郁，脂肪含量少，入口淡淡肉已经偏软腍，好滋味。
.
盐烧赤鸡颈肉(日) 💲22/串 ⭐️4.1/5⭐️
鸡颈肉亦比较少见，同平时食嘅鸡腿肉串烧分别几大，爽韧有咬口，系一种新嘅体验，推荐一试。
厚切盐烧牛舌腩
35 浏览
0 赞好
0 留言
桂花蜜糖本地冷蕃茄
28 浏览
0 赞好
0 留言
❀必食推介
盐烧原块鸡皮(堂) 💲22/串 ⭐️4.3/5⭐️
烧烤堂嘅自家制作推荐，系我第一次被依间串烧店吸引嘅重点，亦都系每次必点之作，香港少有餐厅将鸡皮可以烧至极薄极脆，挞开每块有手掌大细，有住薯片脆口一咬即碎嘅口感，入口散发淡淡鸡油香气，配搭盐烧调味，送酒一流必点推介。😋
盐烧原块鸡皮
7 浏览
0 赞好
0 留言
.
豚肉节瓜波板糖(附月见)(堂) 💲38/份 ⭐️4.3/5⭐️
外形似足波板糖，其实系将豚肉同节瓜一层层叠加再卷起而成，非常有心思。每一啖都食到豚肉滋味同爽脆嘅节瓜，再捞埋鲜艳嘅月见蛋汁，平冲返串烧嘅油腻感，配搭层次丰富，整体十分推荐。😋
豚肉节瓜波板糖
25 浏览
0 赞好
0 留言
.
提灯(日) 💲38/串 ⭐️4/5⭐️
今次特别想试埋提灯，一只鸡只有一串咁话，橙黄色嘅圆粒系未孵化嘅蛋，而连住嘅就系鸡嘅卵巢，因为好似拎住灯笼咁而得名，入口就似烚蛋蛋黄嘅质感，偏向粉稔，同时食到好香浓嘅蛋味，而下面卵巢就似鸡颈肉咁比较干爽，整体嚟讲口味唔系我杯茶，但钟意试新野嘅朋友可以一战。
提灯
9 浏览
0 赞好
0 留言
.
咸蛋黄煎墨鱼饼(堂) 💲68/份 ⭐️4.3/5⭐️
邪恶嘅咸蛋黄配上香口墨鱼饼，两样食材融合得相得益彰，份量有一大只手掌，备有刀叉可以自行切件，墨鱼饼入口惹味咸香，爽滑弹牙，中间仲有墨鱼粒增加口感，惹味之选，必点推荐。😶🌫️
咸蛋黄煎墨鱼饼
15 浏览
0 赞好
0 留言
✥海鲜
蒜蓉烧广岛蚝2只(日) 💲44/份 ⭐️4/5⭐️
广岛蚝鲜甜饱满，性价比高，配上香葱同大量蒜蓉一齐入口非常滋味。
蒜蓉烧广岛蚝2只
6 浏览
0 赞好
0 留言
.
黄花鱼一夜干(日) 💲98/条 ⭐️4.2/5⭐️
餐厅虽然以串烧为主打，但亦有提供烧鱼，而且亦非常高质，黄花鱼原条上枱，两个人食份量啱啱好，鱼肉质感爽嫩干身，原汁原味入口已经食到咸鲜味，想再丰富D亦可以点上泰式酸汁或日式鲣鱼豉油，更加惹味。😶🌫️
黄花鱼一夜干
7 浏览
0 赞好
0 留言
𖥕甜品
日本芝士年糕(日) 💲38/份 ⭐️4.1/5⭐️
年糕烧至微焦，外脆内嫩内馅芝士棉密，烟韧香滑，满足。
.
黑糖烧菠萝(冷&港) 💲20/串 ⭐️4.1/5⭐️
最后当然要食返D冻野冰凉下，拣咗黑糖烧菠萝串，烧菠萝挂满左冰冻嘅冰糖糖浆，造成表面冰脆，菠萝本身味道已经香甜多汁，两者融合口感更加吸引，亦都推荐。
黑糖烧菠萝
10 浏览
0 赞好
0 留言
➰总结
餐厅以串烧作主打，提供大众化价钱而又高质嘅串烧出品，选择款式众多，又有心思地设计唔同烧法迎合客人口味，更加有自家主打串烧既吸引又有特色，加上啤酒优惠可以比大家开怀畅饮，非常推荐比三五知己或者情侣一齐黎开餐。
➿➿➿
张贴
